مشكله ومش عارفه اعمل فيها ايه بس املى الاقى الحل المشكله كبيره ولذلك ارسلتها لمحرر لكلكه يطرحها على زوار الموقع ياريت تفدونى جزاكم الله خير

عمرى 26 و متجوزة بقالى سنتين و عندى ولد عمره
سنة , زوجى راجل محترم و والدة كذللك الاتنين محاسبين فى شركة كويسة و زوجى عندة 3 بنات اخوات الكبرى اصغر منى بسنة و الاوسط لسة خريجة 2012 و الصغرى 3 ثانوى , يعنى عائلة عادية زى كل الناس جرت العادة ان كل شهر بروح عند حماى اقعد اسبوع بدون زوجى لان شغلة اقرب لبيتى و بيكسل يصحى بدرى المهم, انا على هذا الحال من ايام ما كنت حامل و كنت دايما ملاحظة ان حماتى عايشة لوحدها اه بتنزل تشترى طلبات البيت و مممكن تعمل اى حاجة بسيطة كدة فى البيت لكن كل حاجة البيت البنت الكبيرة هى الى بتعملها ,و حماتى اغلب الوقت قاعدة على الفيس بجحة المزرعة السعيدة يمكن ايام الحمل مكنتش مركزة و كنت بنزل مع البنات او قاعدين نلعب طول الليل و نايمين طول النهار لكن بعد ما ولدت محستش انها مهتمة بحفيدها زى ما بشوف امى بتعمل او حتى زى حمايا ما بيعمل يعنى مثلا حماي اول ما بيرجع من الشغل لازم ياخد الولد و يقعد يلاعبة بالساعتين والله و ميندهش عليا الا لما يبقى عايز يغير او ينام او ياكل دة حتى لو سمعه بيعيط عادى و انا بقوله اعملك اية عايز اية بس يجى جرى من جوة يقولى هاتيه و ياخد الولد لو نزلت انا و البنات نشترى طلبات ممكن هو يقعد بية لحد ما نرجع انما هى عمرى ما شوفتها بتعمل دة فالحة بس تقعد تقوله قطة تيتة و حبيب تيتة تيتة نازلة تجيب الخضار تجيبلك اية و بس على كدة لحد ما فى مرة طنشت و مرضيتش اروح و حمايا كلم جوزى قالوا اية يا بنى مراتك مش عايزة تيجى لية قاله عادى احنا جايين بس الواد كان عندة تطعيم و جوزى بيكلمنى قالى مالك دة الواد واحشهم قلتلة يوحش ابوك اه لانة بيقعد بية انما امك لا دى حتى مبتشيلوش يبقى يوحشها لية الموضوع كان ملفت بس لخمتى بالولد اهم من اى حاجة و الصدمة من اسبوع روحت كالعادة و الحال هو الحال وفى يوم كنت انا وهى بس الى صاحيين و حمايا فى الشغل و كالعادة هى بتلعب و فجأة الباب خبط قامت تفتح و رجعت جرى قالتلى انا نازلة اشوف جارتى بعتالى قلتلها ماشى و قلت تلاقيها هتطول اما ادخل على الفيس اشوف الجديد و لسة بقعد لاقيت الاكونت بتاعها مفتوح و الشات شغال و الاقى واحد بعتلها وحشتينى يا قطتى قلعتى قميص النوم ولا لسة بصراحة اتجننت و جريت على الرسايل فتحتها و لاقيت مصايب رجاله كتير بعتنليها و يتكلموا و هى عاملة شخصية بتكلمهم بيها قال انها 21 سنة و امها مصرية و ابوها مغربى و انها بتعمل دراسات عليا و الانقح انها بعتالهم صور بنتها الوسطى على انها هى و بعتت لواحد صور البنت و هى مع اصحابها فى البيت وهى بشعرها و بيجامة كت شوفتوا جنان الولية , قفلت جرى و سيبتلها كل حاجة زى ما هى و قمت قعدت قدام التلفزيون و انا مصدومة الولية المجنونة بتعمل الى اصغر عيالها مبيعملوش و مش عارفة اتصرف ركبنى عفريت و كلمت جوز قلت له عايزة اروح تعالى خدنى قالى فى اية قلت لة زهقت و طبعا اتخانقنا بس مش مهم الحمدلله هديت الموقف و عدى بس بجد معدش ليا نفس ابصلها ولا اقولها يا ماما تانى حاسه انها مقرفة و لا ليا نفس اكل من ايديها ولا اى حاجة , و كل الى عماله افكر فية مصير البنات دول اية و الله بنات زى الفل لا غبار عليهم و الراجل المحترم حماى دة لو عرف هايعمل اية و جوزى هو اكبر اخواتة و الولد الوحيد هيحصل اية لو عرف اقول لجوزى ولا لا , اكلم حماتى ولا لا ؟ اقول لحماى ولا لا ؟ اقول للبنات ولا لا ؟ مش عايزة اهز صورتها قدامهم بس مش عارفة اعمل اية؟ بالله عليكم قولوى اعمل اية

0 التعليقات:

إرسال تعليق

My Skillset

Your name